Bayram tədbirində törədilən partlayışda: 50 ölü, 72 yaralı

Əfqanıstanın paytaxtı Kabildə törədilən partlayış zamanı ölənlərin sayı 50 nəfərə çatıb. Avtosfer.az "Report"a istinadən xəbər verir ki, bu barədə ölkənin Səhiyyə Nazirliyinin məlumatında bildirilir. "Kabildə hücum zamanı ölənlərin sayı 50 nəfərə çatıb, 72 nəfər xəsarət alıb", - deyə məlumatda bildirilir. Partlayış paytaxtda Mövlud günü münasibətilə keçirilən bayram tədbirində törədilib. İlkin məlumata görə, partlayışı terrorçu kamikadze törədib. Əfqanıstan prezidenti hadisə ilə bağlı çərşənbə günü ölkədə matəm elan edib.