Bazarda mübahisə bıçaqlanma ilə nəticələnib - Şabran

Şabranın rayon bazarında bıçaqlanma olub. Avtosfer.az-ın "Report"a istinadən məlumatına görə, sərxoş halda olan yerli sakinlər - 1992-ci il təvəllüdlü Novruzov İlkin Səhrab oğlu və 1996-cı il təvəllüdlü Əmiraslanov Elməddin Nəcməddin oğlu mübahisə edib. Nəticədə İ.Novruzov E.Əmiraslanovun qarın boşluğuna bir neçə bıçaq zərbəsi vurub. Yaralı Şabran Rayon Mərkəzi Xəstəxanasının Cərrahiyyə şöbəsinə yerləşdirilərək əməliyyat olunub. Onun vəziyyətinin orta-ağır olduğu bildirilir. Faktla bağlı Şabran rayon Polis şöbəsində araşdırma aparılır.