Bədəlli-Yekəxana yolu yenidən qurulur

Qobustan rayonunun 14,5 kilometr uzunluğu olan Bədəlli-Yekəxana avtomobil yolu yenidən qurulur və işlər artıq yekunlaşmaq üzrədir. Avtosfer.az Azərtac-a istinadən xəbər verir ki, 5 yaşayış məntəqəsinin - Bədəlli, Yekəxana, Təsi, Poladlı və Sədəf kəndlərinin 5 min nəfərdən çox sakininin istifadə edəcəyi yolun əsaslı təmir işləri dövlət vəsaiti hesabına həyata keçirilir. İşlər “Azəravtoyol” ASC tərəfindən görülür. Yolun artıq 6 kilometrdən çox hissəsi tam hazırdır. Hazırda işlər sürətlə davam etdirilir və ilin sonunadək başa çatdırılması nəzərdə tutulub.