Bələdiyyə seçkilərində neçə namizəd mübarizə aparacaq?

İmza vərəqlərini qaytaran 16 294 namizəddən 16 238 nəfərin namizədliyi qeydə alınıb.

Avtosfer.az xəbər verir ki, bunu Mərkəzi Seçki Komissiyasında mətbuat konfransda MSK sədri Məzahir Pənahov deyib.

O bildirib ki, imza vərəqi qaytaranların 99,7 %-i qeydə alınıb: “Bu çox böyük rəqəmdir. Sonrakı proseslərdə bunların bəziləri namizədliyini geri götürüb və yekunda 16 092 nəfərin adı seçki bülletenlərinə daxil edilib və namizəd kimi qeydə alınıb".