Bıçaqla xəsarət yetirərək pulunu alan şəxslərdən biri saxlanılıb

Masallı rayon sakininə bıçaqla xəsarət yetirərək pulunu alan şəxslərdən biri saxlanılıb. Avtosfer.az xəbər verir ki, bu barədə Daxili İşlər Nazirliyi məlumat yayıb. Belə ki, noyabrın 11-də Nəsimi rayonu ərazisində 2 naməlum şəxs Masallı rayon sakini Rahib Qənbərova bıçaqla xəsarət yetirib 170 manatını alıb. R.Qənbərova xəstəxanada ilkin tibbi yardım göstərildikdən sonra buraxılıb. 19-cu polis şöbəsi əməkdaşlarının keçirdikləri əməliyyat-axtarış tədbirləri nəticəsində quldurluğu törətməkdə şübhəli bilinənlərdən Biləsuvar rayon sakini Vüqar Həsənov saxlanılıb, digərinin isə şəxsiyyəti müəyyən edilib. Nəsimi rayon Polis İdarəsi tərəfindən əməliyyat-axtarış tədbirləri aparılır.