Bıçaqlanma hadisəsi baş verib - Bərdədə

Bərdə rayonunda bıçaqlanma hadisəsi baş verib. Avtosfer.az-ın "Report"a istinadən məlumatına görə, rayonun Gərənə kəndində 1990-cı il təvəllüdlü yerli sakin Məmmədli Elvin Firudin oğlu həmyerlisi tərəfindən bıçaqlanıb. Ayaq nahiyəsindən vurulan E.Məmmədli Bərdə Rayon Mərkəzi Xəstəxanasının Cərrahiyyə şöbəsinə yerləşdirilib. Yaralının vəziyyəti orta-ağırdır. Rayon Polis şöbəsindən verilən məlumata görə, hadisə şəxsi münasibətlər zəminində baş verib. Faktla bağlı rayon Polis şöbəsində araşdırma aparılır.