Binə sakinləri etiraz edir – BNA yarıtmazlıqda ittiham edilir

Bakı Nəqliyyat Agentliyinin (BNA) 190 nömrəli marşurut xəttini ləğv etməsi Binə qəsəbəsinin Sovxoz ərazisində yaşayan əhalinin etirazına səbəb olub. Avtosfer.az xəbər verir ki, a24.az-a müraciət edən sakinlər bildiriblər ki, 190 nömrəli marşurut xəttinin ləğvindən sonra əvvəllər güclə mindikləri avtobuslarda indi heç bir halda yol qət etmək mümkün deyil: “Biz 160 nömrəli avtobsunların daha az tutumlu avtobuslarla yenilənməsindən, 190 nömrəli avtobusun ləğvindən sonra işə vaxtında çata bilmirik. Uşaqlarımız məktəbə gedə bilmir. Sovxoz ərazisində ağzına kimi dolan avtobusa “Binə posyolka”da heç kim minə bilmir. Biz də məcbur olub metronun “Korğulu” stansiyası istiqamətinə gedən taksilərə minirik. Taksilər də bizi “Koroğlu”ya 1-2 manata aparır.” Məsələ ilə bağlı BNA-nın sözcüsü Mais Ağayevlə əlaqə saxladıq. O bildirdi ki, problem bu gündən artıq nəzarətimizdədir: “Məsələ araşdırılacaq. Nəticə etibarı ilə sərnişinlərimizin rahatlığına maneə yaradan məqamlar həll ediləcək, zəruri olan addımlar atılacaq”.