Binəqədi şosesində təhlükə saçan çuxurlar: Sürücülər ziyanla üz-üzədir - VİDEO

Paytaxtın Binəqədi şosesinin bəzi hissələrində yol örtüyünün deformasiyaya uğraması sürücülər üçün təhlükə yaradıb.

Bu barədə Avtosfer.az-ın “WhatsApp” xəttinə müraciət edən izləyici videogörüntü göndərərək məlumat verib. Kadrlardan aydın görünür ki, yolun hərəkət hissəsində dərin çuxurlar əmələ gəlib. Bu səbəbdən ərazidən keçən sürücülər hərəkət zamanı çətinliklə üzləşirlər.

Şikayətçinin sözlərinə görə, həmin çuxurlara düşən nəqliyyat vasitələri maddi ziyan görə, bəzi hallarda isə bu vəziyyət yol-nəqliyyat hadisələrinin baş verməsinə səbəb ola bilər.

Mövcud vəziyyət həm sürücülərin, həm də nəqliyyat vasitələrinin təhlükəsizliyi baxımından ciddi risk yaratdığından, yolun qısa müddətdə təmir olunmasına ehtiyac var.

Nərmin