Bir neçə mərkəzi yol ayda bir dəfə avtonəqliyyat üçün bağlı olacaq

Fransanın paytaxtı Parisin mərkəzi ayda bir dəfə avtonəqliyyat üçün bağlı olacaq. Avtosfer.az-ın Trend-ə istinadən məlumatına görə, şəhərin meriyası mərkəzi küçələrin avtonəqliyyat üçün bağlı olması üzrə eksperiment keçirib və şəhər sakinləri bu təşəbbüsü dəstəkləyib. Beləliklə, oktyabrın 7-dən başlayaraq şəhərin mərkəzi küçələri hər ayın ilk bazar günü avtonəqliyyat üçün bağlı olacaq. Avtonəqliyyatın hərəkəti Site və Sen-Lui adalarında, Şatle meydanında, Luvr, Opera Qarnye rayonlarında, Mare və Yelisey çölləri məhəllələrində dayandırılacaq. Lakin bir neçə mərkəzi yollarda avtomobillər hərəkət edə biləcək.