"Bu problemi həll etmir" - Nəqliyyat eksperti

"İctimai nəqliyyatın olduğu ərazilərdə yeni mənzil və biznes layihələrinin cəmləşdirilməsi avtomobildən asılılığın azalmasına və mövcud nəqliyyat infrastrukturundan daha səmərəli istifadəyə imkan verə bilər".

Avtosfer.az xəbər verir ki, bunu nəqliyyat məsələləri üzrə ekspert Rauf Ağamirzəyev söyləyib. Ekspert vurğulayıb ki, 

stansiyanın yanında çoxmərtəbəli bina tikib, lakin piyada keçidi, avtobus bağlantısı, məktəb, parklanma və sosial infrastrukturu yaratmamaq şəhərsalma problemini həll etmir. Əvvəlcə nəqliyyat infrastrukturu formalaşmalı, sonra onun ətrafında şəhərin sıxlığı və funksiyaları planlaşdırılmalıdır. Bu yanaşma Bakının yeni inkişaf mərhələsində xüsusilə metro, dəmir yolu və planlaşdırılan nəqliyyat qovşaqları ətrafında tətbiq oluna bilər./525.az