Cərimə meydançasında 45 avtomobil yanıb

Qazaxıstanın Şımkent şəhərində cərimə meydançasında 45 avtomobil yanıb. Avtosfer.az-ın Trend-ə istinadən məlumatına görə, yanğın yerli vaxtla saat 01:14-də cərimə meydançasında dayanan "KamAz"da başlayıb və digər avtomobillərə və yaxınlıqdakə mebel sexinə keçib. Yanan avtomobillərin 35-i utilizasiyası üçün nəzərdə tutulan, 10-u isə cərimələnmiş avtomobillər olub. Ümumilikdə yanğının ərazisi 294 kv. m. təşkil edib. Yanğının söndürülməsinə 76 yanğınsöndürən və 17 xüsusi texnika cəlb olunub. Yanğın 2 saat sonra söndürülüb. Xəsarət alan olmayıb.