Daha bir yerüstü keçiddəki vəziyyətdən vətəndaşlar ŞİKAYƏT ETDİ - VİDEO

"Binə Atçılıq Mərkəzi"nə aparan yoldakı piyada keçidində yaranmış antisanitar vəziyyət ərazidə yaşayan sakinlərin narazılığına səbəb olub. Avtosfer.az xəbər verir ki, bununla bağlı görüntülər sosial şəbəkələrdə yayılıb və qısa zamanda geniş müzakirələrə yol açıb.

Vətəndaşların sözlərinə görə, keçid ərazisi uzun müddətdir təmizlənmir, ətraf zibil və məişət tullantıları ilə doludur. Bu isə həm piyadaların hərəkətini çətinləşdirir, həm də xoşagəlməz qoxu və gigiyenik problemlər yaradır.

Sakinlər bildirirlər ki, sözügedən yol intensiv istifadə olunur və xüsusilə uşaqlar və yaşlılar üçün təhlükəsizlik baxımından da risk yaradır. Onlar aidiyyəti qurumları ərazidə təmizləmə və nəzarət tədbirlərinin gücləndirilməsinə çağırıblar.

Eltac