Darıxdığı üçün polisə 45210 dəfə zəng etdi, həbs olundu

İstanbulda Şərif Can adlı vətəndaş il ərzində polisə 45 210 dəfə zəng etdiyi üçün həbs olunub. Avtosfer.az musavat.com-a istinadən xəbər verir ki, 2017-ci ilin mayından 2018-ci ilin mayına qədər türkiyəli kişi gün ərzində 100 dəfə polisə zəng edib və hər dəfə operatordan onunla danışmasını xahiş edib. Kişi polis işçisinə xidməti vəzifəsini yerinə yetirməyə mane olduğu üçün məhkəməyə çıxarılacaq. İstintaq zamanı 55 yaşlı Can bildirib ki, kiminləsə danışmaq üçün polisə zəng edirmiş: “Mən arvadımla iki il öncə ayrılmışam. Mən daim içir və polisə zəng edirdim. Çünki depressiya və yalnızlıqdan əziyyət çəkirdim”. O, hərəkətini belə izah edib. Kişi öz suçunu etiraf edib, peşmançılığını ifadə edib və bir daha belə hərəkət etməyəcəyinə dair söz verib. Məhkəmə Canı 5 ilə qədər həbs cəzasına məhkum edə bilər. Fevralda işsiz yaponun 159 dəfə dövlət idarələrinə zəng edib, heç nə deməməsinə görə həbsi barədə xəbər yayılmışdı.