Daşqınlar 14 nəfərin ölümünə səbəb olub - VİDEO

Vyetnamda ölkənin mərkəz hissəsini cənginə alan leysan yağışları nəticəsində baş verən daşqınlar 14 nəfərin ölümü ilə nəticələnib, daha 1 nəfər isə itkin düşüb. Avtosfer.az xəbər verir ki, bu barədə "Report" RİA "Novosti"yə istinadən xəbər verir. Vyetnamın mərkəzi hissəsində güclü leysan yağışları dekabrın 8-də başlayıb. Təbii fəlakətlər barədə xəbərdarlıq və onların qarşısının alınması üzrə Komitədən (NDPC) bildirilib ki, təbii fəlakətdən ən çox zərəri Bindin vilayəti görüb. Vilayətdə 6 nəfər daşqınların qurbanı olub. Eyni zamanda Kuanqnam, Kuanqçi və Txıatxen Hyue vilayətlərində bir neçə nəfər ölüb. Hökumətin məlumatlarına görə, bölgədə onminlərlə ev su altında qalıb. Dekabrın 12-nə olan məlumata görə, su səviyyəsi artıq azalır və yerli sakinlər fəlakətin törətdiyi fəsadları aradan qaldırmağa çalışırlar.