Daşqınlar səbəbindən turistlər helikopterlərlə təxliyə edilib

Fransanın cənubunda daşqınlar səbəbindən 1,6 min insan təxliyə edilib. Avtosfer.az-ın Trend-ə istinadən məlumatına görə, kempinqlərdə olan 750-yə yaxın turist helikopterlər vasitəsi ilə daha təhlükəsiz yerlərə təxliyə edilib. Daşqınlar nəticəsində 70 yaşlı almaniyalı turist itkin düşüb. Fransanın daxili işlər nazirliyi öz "Twitter" səhifəsində bildirib ki, daşqınlar ölkənin 6 rayonunda baş verib. Ən güclü daşqınlar Qar, Ardeş və Drom departamentlərində qeydə alınıb. Hadisə yerlərində xilasedici xidmətlər işləyir.