Dəmir yol xəttindən oğurluq edənlər yaxalandı - VİDEO

Dəmir yolundan transformatorlar oğurlanıb. Avtosfer.az xəbər verir ki, dəmiryolu xəttinin elektrik enerjisinin tənzimlənməsində istifadə olunan trasformatorların oğurlanmasından sonra reyslər zədələnib. Ağstafa və Gəncə polisinin birgə əməliyyatı zamanı 2 nəfər saxlanılıb. Bunlar Ağstafanın Saloğlu qəsəbə sakini 31 yaşlı Yaşar Xəlilov və Qarayazı kənd sakini 18 yaşlı Taleh Qayıbovdur. Əməliyyat zamanı xeyli miqdarda mis naqillər və dəmiryolunda istifada olunan digər metallar aşkarlanaraq götürülüb.Yaşar Xəlilov əvvəllər məhkumluq həyatı yaşayıb, həmçinin bir neçə il dəmiryol sahəsində çalışıb. Oğurluq faktının üstü vaxtında açılmasaydı, ərazidən keçən sərnişin və yük qatarlarının hərəkətində ciddi təhlükə yarana bilərdi.

Faktla bağlı Gəncə Dəmiryol xətt Polis Şöbəsində araşdırmalar davam edir.