Dənizdə fırtına qopdu, gəmilər batdı - VİDEO

İstanbulda dənizdə fırtına qopub, güclü dalğa müşahidə edilib. Avtosfer.az sputnik.az-a istinadən bildirir ki, ötən gün Türkiyənin Milli Hidrometroloji Bürosu bugünkü hava proqnozunun fırtınalı və qasırğalı olacağı ilə bağlı xəbərdarlıq etmişdi. Artıq bu gündən hava şəraitinin kəskin dəyişdiyi müşahidə edilir. Güclü qasırğa ilə əlaqədar olaraq dənizdə kiçik gəmilər batıb. Qayıqçılar qayıq və gəmiləri xilas etməyə çalışsalar da, səyləri nəticəsiz qalıb. Bununla yanaşı, güclü fırtına ilə əlaqədar olaraq hava limanında təyyarələrin enişində də problemlər yaranıb. Təyyarələr yerə enmək üçün dəqiqələrcə havada uçmalı olub.