Dənizə gedənlərin nəzərinə: Həyat üçün riskli zonalar ola bilər - VİDEO

Xəzər dənizində suyun səviyyəsinin azalması ilə çimərlik sahələrində sürüşmə və lillənmə kimi təhlükəli hallar yaranır.

Avtosfer.az bildirir ki, bunu Elm və Təhsil Nazirliyinin Həsən Əliyev adına Coğrafiya İnstitutunun Xəzər dənizi şöbəsinin müdiri Əmir Əliyev "Xəzər Xəbər"ə açıqlamasında bildirib.

O deyib ki, əvvəllər suyun səviyyəsi çox və dənizdən gələn küləklər güclü olduqda, sahildə lil toplanmırdı. İndi isə səviyyə azaldığı üçün çöküntülər və lil sahil boyu toplanır. Bu da çimərlikdə görünməyən təhlükəli zonalar yaradır.

Əmir Əliyev onu da bildirib ki, insanlar lil üzərində yeridikdə ayaqları sürüşür, tarazlığı itirir və batma riski artır.

Coğrafiya İnstitutunun şöbə müdiri qeyd edib ki, çimərliklərə üz tutan vətəndaşlar təhlükə nişanları və ya xəbərdarlıq lövhələri olan yerlərə diqqət yetirməli və üzgüçülük qabiliyyəti zəif olan şəxslərin isə bu ərazilərdən uzaq durmaları məsləhət görülür.

Mövzu ilə bağlı daha ətraflı videomaterialı təqdim edirik: