DİN Bərdədə güllənlənmə ilə bağlı məlumat yayıb

Daxili İşlər Nazirliyi (DİN) Bərdə rayonunda baş verən güllənlənmə ilə bağlı məlumat yayıb.

Avtosfer.az xəbər verir ki, məlumatda qeyd olunub ki, aprelin 29-da saat 16 radələrində Bərdə rayonunun Əmirli kəndində kənd sakini Asif Hümbətov ehtiyatsızlıqdan tüfəngdən açdığı atəşlə həmkəndlisi Azər Nurəliyevin bud nahiyəsinə xəsarət yetirmişdir. Nəticədə A.Nurəliyev xəstəxanaya aparılarkən qanaxmadan yolda ölmüşdür.

Bərdə RPŞ-nin əməkdaşları tərəfindən A.Hümbətov saxlanılmış, ondan müvafiq sənədləri olmayan “İJ-18” markalı ov tüfəngi götürülmüşdür.

Araşdırma aparılır.