DİN Yevlaxda üç nəfərin ölümünə səbəb olan yol qəzası ilə bağlı məlumat yayıb

Daxili İşlər Nazirliyi (DİN) Yevlaxda üç nəfərin ölümünə səbəb olan qəza ilə bağlı məlumat yayıb. DİN-dən Avtosfer.az-a verilən mlumata görə, iyunun 30-da saat 18 radələrində Yevlax rayonu ərazisində Abşeron rayon sakini Allahverdi Məmmədovun idarə etdiyi “Hovo” markalı yük avtomobili ilə Bakı şəhər sakini Mais Mustafayevin idarə etdiyi “Mercedes Sprinter” markalı mikroavtobus toqquşub.

Nəticədə M.Mustafayevin sərnişinlərindən Şəmkir rayon sakinləri Samirə Musayeva, 12 yaşlı Emil Abdullayev və Abşeron rayon sakini Ziyafət Ələsgərova hadisə yerində ölüb, digər 4 sərnişin xəstəxanaya yerləşdirilib.

Baş İstintaq və Təhqiqat İdarəsi tərəfindən araşdırma aparılır.