Dünyanın ən güclü xüsusi təyinatlıları - SİYAHI

Beynəlxalq müdafiə analitik qurumları 2026-cı ilin ən uğurlu xüsusi təyinatlı qüvvələrinin siyahısını yeniləyib. Avtosfer.az “Yeni Sabah”a istinadən xəbər verir ki, hesabatı Global Firepower təşkilatı hazırlayıb.  Türkiyə Silahlı Qüvvələrinin elit bölməsi sayılan Bordo berelilər siyahıda bir çox böyük hərbi gücü geridə qoyaraq ilk sıralarda yer alıb. Hibrid müharibə bacarığı, əməliyyat uğurları və texnoloji inteqrasiya meyarları əsasında hazırlanan reytinqdə Türkiyənin Xüsusi Təyinatlı Qüvvələri diqqət çəkib. Sərhədyanı dəqiq əməliyyatlar və Suriya ilə İraqda terrorla mübarizə sahəsində əldə olunan uğurlar Türkiyə xüsusi təyinatlılarını dünyanın ən çəkindirici hərbi güclərindən birinə çevirib.

Bordo berelilər dünya nəhəngləri arasında

Türkiyənin Xüsusi Təyinatlı Qüvvələri 2026-cı il hesabatında 4-cü yerə yüksələrək bir çox qlobal gücü geridə qoyub. Xüsusilə girovların azad edilməsi və asimmetrik müharibə sahəsindəki təcrübələri Bordo bereliləri siyahının üst pillələrinə daşıyıb. Terrorla mübarizədəki yüksək intizam və çox çətin təlim prosesləri türk xüsusi təyinatlılarının döyüş meydanındakı effektivliyini göstərir.

Zirvədə güclü rəqabət

Dünyanın ən elit hərbi bölmələri arasında ilk üç yeri ABŞ, Böyük Britaniya və Rusiya bölüşüb. Siyahının birinci pilləsində ABŞ Hərbi Dəniz Qüvvələrinin xüsusi təyinatlı SEALs və Delta Force xüsusi əməliyyatlar bölmələri yer alıb.

İkinci yerdə Böyük Britaniyanın Xüsusi Hava Xidməti (Special Air Service) dəniz xüsusi əməliyyat qüvvələri olan Special Boat Service komandaları qərarlaşıb.

Üçüncü pillədə isə Rusiyanın “Spetsnaz” xüsusi təyinatlıları yer alıb.

Dünyanın ən güclü xüsusi təyinatlılarının ilk onluq sıralaması belədir:

1. ABŞ-Navy SEALs & Delta Force

Xüsusiyyət: Quru, dəniz və havada çoxşaxəli əməliyyat qabiliyyəti

Uğur: Usama Bin Ladin əməliyyatı

2. Böyük Britaniya-SAS & SBS

Xüsusiyyət: Dünya standartlarında əsir xilasetmə

Uğur: 1980-ci il İran Səfirliyi əməliyyatı

3. Rusiya-Spetsnaz

Xüsusiyyət: Gerilla müharibəsi texnikalarında mütəxəssis

Uğur: Çeçenistan və Ukraynadakı əməliyyatlar

4. Türkiyə-Bordo berelilər

Xüsusiyyətlər: Sərhədyanı əməliyyatlar, əsir xilasetmə və terrorla mübarizədə üstün uğur

Uğurlar: Suriya və İraqdakı terrorla mübarizə əməliyyatları

5. İsrail-Shayetet 13

Xüsusiyyət: Dənizaltı sabotaj üzrə mütəxəssis

Uğur: Çoxsaylı uğurlu dəniz xüsusi əməliyyatları

6. Fransa-GIGN

Xüsusiyyət: Xüsusi əsir xilasetmə texnikaları

Uğur: 1994-cü il Air France təyyarəsi əməliyyatı - 1994-cü ildə Fransanın Air France hava yolu şirkətinə məxsus təyyarədə əsir götürülmüş şəxslərin Fransanın xüsusi təyinatlı qüvvələri olan GIGN, əməliyyat keçirərək bütün sərnişinləri təhlükəsiz şəkildə xilas etmişdi. Bu əməliyyat GIGN-in xüsusi əsir xilasetmə bacarıqlarının dünya səviyyəsində nümunəvi nümayişi kimi qiymətləndirilir.

7. Kanada-Joint Task Force 2

Xüsusiyyət: Gizli əməliyyat qabiliyyəti

Uğur: Əfqanıstan və Haiti missiyalarında effektivlik

8. Almaniya-GSG 9

Xüsusiyyət: Əsir xilasetmə üzrə yüksək bacarıq

Uğur: 1977-ci il Lufthansa təyyarəsi xilasetmə əməliyyatı - Almaniyanın GSG 9 xüsusi təyinatlı qüvvələri tərəfindən həyata keçirilən əməliyyatla, Lufthansa Flight 181 təyyarəsindəki bütün əsir insanlar təhlükəsiz şəkildə azad edilib. Bu əməliyyat dünya miqyasında xüsusi əməliyyat bacarıqlarının nümunəsi hesab olunur.

9. Hindistan-NSG (“Qara Pişiklər”)

Xüsusiyyət: Böyük şəhərlərdə sürətli müdaxilə

Uğur: 2008-ci il Məmbi hücumlarında rolu

10. Avstraliya-SASR

Xüsusiyyət: Uzaq məsafəli kəşfiyyat üzrə mütəxəssis

Uğur: Vyetnam və Əfqanıstandakı əməliyyatlar