Dünyanın ən təhlükəli aeroportunda yeni olay – VİDEO

Nepalın Lukla şəhərindəki hava limanı dünyanın ən təhlükəli aeroportu sayılır. Avtosfer.az milli.az-a istinadən bildirir ki, Comolunqma (Everest) dağının yaxınlığında yerləşən bu aeroportda dünən sərnişin təyyarəsi həddən artıq çətinliklə səmaya qalxıb. Aeroportda eniş və yüksəliş çətin olduğundan Nepalın Mülki Aviasiya İdarəsinin qərarı ilə Luklaya yalnız ən azı 100 qısa eniş və yüksəliş (Short Takeoff and Landing, STOL) sayına malik pilotların idarə etdikləri təyyarələr qəbul olunurlar. Lukla şəhərindəki bu aeroport dünyanın ən yüksək zirvəsi olan Comolunqmanı ilk dəfə fəth etmiş alpinistlər Tensinq Norqey və Edmund Hillarinin adını daşıyır. Tensinq-Hillari aeroportunun 527 metrlik uçuş-enmə zolağı dəniz səviyyəsindən 2860 metr yüksəlikdə, 12 dərəcə maililik bucağı altındadır. Zolaq 700 metrlik uçurumla bitir.