Əhali rejimə dəstək aksiyaları keçirir - Tehran küçələri dolur

İranın paytaxtı Tehran son günlərdə geniş etiraz aksiyaları keçirilir.

Minlərlə iranlı yeni dini lider Müctəba Xameneinin şəkilləri və İran bayraqları ilə küçələrə çıxaraq ABŞ və İsraillə mübarizə mesajı verib:

“Biz buradayıq, ABŞ İrana quru hücumu edə bilməz və bizi psixoloji cəhətdən məğlub edə bilməzlər”.

Avtosfer.az “Sfera”ə istinadən xəbər verir ki, son günlərdəki etirazlar ABŞ və İsrailin İran üzərində hərbi təzyiqinin artması fonunda baş verib.

Tehran küçələrinə çıxan etirazçılar İran hökumətinin yanında olduqlarını bildirərək ölkələrinə dəstək nümayiş etdiriblər.

Bir iranlı qadın etirazçı dedi:

“Biz iranlılar təslim olmaq üçün çox güclüyük. Tramp heç vaxt ölkəmizi blokadada saxlaya və ya quru hücumu həyata keçirə bilməyəcək”.

Başqa bir etirazçı İrandakı iqtisadi böhrana toxunaraq dedi: “Biz illərdir buna dözürük. 18-19 ildir iqtisadi müharibəyə tab gətiririk və bu yeni bir şey deyil. Keçmişdə də İran iqtisadiyyatının çökdüyünü iddia edirdilər, amma biz tam fərqli bir həqiqət görürük”.

Etirazçılar ABŞ-nin İran xalqının zehninə təsir etməyə çalışdığını qeyd ediblər:

“Bu heç bir nəticə verməyəcək. Amerikalılar müharibənin başlanğıcından bəri bunun iki-üç günə bitəcəyini deyirdilər. Amma bu qətiyyən belə deyil. Bu xalqımızın zehninə təsir etmək üçün hazırlanmış psixoloji taktikadır. Bizim kimi böyük qonşuları olan və hava, quru və dəniz yolu ilə müxtəlif bazarlara çıxışı olan bir ölkə heç vaxt blokadaya alına bilməz”.

Ümumilikdə yeni dini lider Müctəba Xameneinin şəkillərini qaldıran və İran bayraqlarını tutan iranlılar ABŞ-a açıq bir mesaj göndərdilər:

“Yaşadığımız müddətcə yolumuzdan dönməyəcəyik”.

Göründüyü kimi, bu nümayişlər İranın müharibə və blokada qarşısında öz milli birliyini nümayiş etdirdiyi və xalqın özünə olan inamını vurğuladığı bir an idi.