Ermənistanda rusiyalı zabitin maşını yandırıldı

Ermənsitanın Şirak vilayətinin prokurorluğunda oktyabrın 26-da Gümrüdə rusiyalı hərbçinin avtomobilinin yandırılması faktı üzrə materiallar hazırlanır. Avtosfer.az virtualaz.org-a istinadən xəbər verir ki, bu barədə "Sputnik Ermənistan"ı Şirak prokuroru Karen Qabrielyan məlumatlandırıb. Mənbəyə əsasən, naməlum şəxslər Rusiyanın 102-ci hərbi bazasının hərbi hospitalının rəis müavini Məhəmməd Məhəmmədovun maşınını yandırıblar. Baş vermiş hadisə ilə bağlı polisə zərərçəkmişin özü xəbər verib. "Nissan Teana" markalı avtomobilin yararsız vəziyyətə düşməsi üzündən hərbi həkimə 3 milyon dram həcmində zərər yetirilib.