Ev yandı: 8 ölü, 3 yaralı

Soçidə yaşayış evinin yanması nəticəsində 8 nəfər ölüb, 3 nəfər yaralanıb. Avtosfer.az “Report”a istinadən xəbər verir ki, bu barədə fövqəladə xidmətin regional idarəsinin nümayəndəsi bildirib. “İlkin məlumata əsasən, 8 nəfər ölüb, 3 nəfər xəsarət alıb”, - agentliyin əməkdaşı deyib. Qeyd edək ki, yanğın Soçinin Adler rayonunda baş verib. Hadisənin səbəbi araşdırılır, ölənlərin kimliyi dəqiqləşdirilir.