Evdən 23 min manat və 18 min manatlıq qızıl əşyalar oğurlanıb

Digahda evdən 23 min manatdan artıq pul və 18 min manatlıq qızıl əşyalar oğurlanıb. DİN-dən Avtosfer.az-a verilən məlumata görə, Baş Cinayət Axtarışı İdarəsi və Abşeron RPİ əməkdaşlarının keçirdikləri əməliyyat tədbirləri nəticəsində sentyabrın 7-də Digah kəndindəki evlərin birindən 23200 manat pul və 18000 manat dəyərində qızıl əşyalar oğurlamaqda şübhəli bilinən Biləsuvar rayon sakinləri Toğrul Xəlilov və qardaşı Faiq saxlanılıblar.