Evdən 4000 manatlıq qızıl-zinət əşyaları oğurlayan şəxs saxlanılıb

Lənkəran rayonunda evdən 4000 manatlıq qızıl-zinət əşyaları oğurlayan şəxs saxlanılıb. Avtosfer.az xəbər verir ki, bu barədə Daxili İşlər Nazirliyi məlumat yayıb.

Belə ki, Lənkəran şəhər rayon Polis Şöbəsi əməkdaşlarının keçirdikləri əməliyyat tədbirləri nəticəsində bu il sentyabrın 4-də rayon ərazisindəki evlərin birindən 4000 manat dəyərində qızıl-zinət əşyaları oğurlamaqda şübhəli bilinən şəhər sakini Ruhid Məmmədov saxlanılıb.