Evdən 850 dollar oğurlanıb - Şirvanda

Şirvanda evdən 850 ABŞ dolları oğurlanıb. Avtosfer.az "Report"a istinadən xəbər verir ki, bu barədə Daxili İşlər Nazirliyi məlumat yayıb.  Şirvan Şəhər Polis Şöbəsinin əməkdaşlarının keçirdikləri əməliyyat tədbirləri nəticəsində noyabrın 25-də şəhər ərazisindəki evlərin birindən 850 ABŞ dolları oğurlamaqda şübhəli bilinən şəhər sakini, əvvəllər məhkum olunmuş Vüsal İmanov saxlanılıb. Faktla bağlı araşdırmalar davam etdirilir.