Evdən və avtomobillərdən oğurluq edən şəxs saxlanılıb - Gəncədə

Gəncə şəhərində silsilə oğurluq edən şəxs saxlanılıb. Bu barədə Avtosfer.az-a Daxili İşlər Nazirliyinin Mətbuat xidmətindən məlumat verilib. Belə ki, Kəpəz (Gəncə) rayon Polis idarəsinin əməkdaşlarının keçirdikləri əməliyyat tədbirləri nəticəsində bu ilin sentyabr-oktyabr ayları ərzində Gəncə şəhəri ərazisində bir evdən 90 manat dəyərində təmir-tikinti alətləri və məişət əşyasını, dörd avtomobildən pul, maqnitofon və akkumulyator oğurlamaqda şübhəli bilinən şəhər sakini Əli Əzizov saxlanılıb. Faktla bağlı araşdrıma aparılır.