Evə oğurluğa gedən şəxs ev sahibinə xəsarət yetirib - Goranboyda

Goranboy rayonunda evə oğurluğa gedən şəxs bıçaqla qadına xəsarət yetirib. Avtosfer.az-ın "Report"a istinadən məlumatına görə, hadisə rayonun Dəliməmmədli şəhərində olub. Belə ki, Tofiq Əkbəri küçəsi ev 35 ünvanına oğurluq məqsədi ilə gələn şəxsin qarşısına həmin evdə yaşayan, 27 yaşlı Cəfərova Ramilə İlqar qızı çıxıb. Bu zaman oğurluğa gələn şəxs qorxutmaq məqsədi ilə qadının boğazına və üzünə bıçaqla xəsarət yetirib. Yaxınlarının bildirdiyinə görə, həmin şəxs daha sonra oradan uzaqlaşıb.

Faktla bağlı araşdırma aparılır.