FHN-in keçmiş vəzifəli işçisi barəsində cinayət işi məhkəməyə göndərilib

Fövqəladə Hallar Nazirliyinin (FHN) Xüsusi Riskli Xilasetmə Xidmətinin silahlanma bölməsinin keçmiş rəisinin köməkçisi Gürsel Seyidovun cinayət işi üzrə ibtidai istintaq başa çatıb. Avtosfer.az-ın "Report"a istinadən məlumatına görə, G.Seyidov barəsində toplanmış cinayət işinin materialları baxılması üçün Bakı Hərbi Məhkəməsinə göndərilib. Cinayət işi hakim Rauf Əliyevin icraatına verilib. Məhkəmənin hazırlıq iclası yaxın günlərdə təyin ediləcək. Qeyd edək ki, FHN-nin Xüsusi Riskli Xilasetmə Xidmətinin silahlanma bölməsinin keçmiş rəisinə qarşı Cinayət Məcəlləsinin 178.2.2-ci (dələduzluq, təkrar törədildikdə) və 312.2-ci( vəzifəli şəxs tərəfindən bilə-bilə qanunsuz hərəkətlər etməyə görə ona rüşvət vermə) maddələri ilə ittiham irəli sürülüb.