"Florens" qasırğası nəticəsində ölənlərin sayı 43 nəfərə çatıb

ABŞ-ın Şimali və Cənubi Karolina ştatlarında baş vermiş "Florens" qasırğası nəticəsində ölənlərin sayı 43 nəfərə çatıb. Avtosfer.az “Report” a istinadən xəbər verir ki, bu barədə "Associated Press" (AP) məlumat yayıb. "Associated Press"in məlumatına görə, təbii hadisənin qurbanlarından 32-i Şimali Karolinanın payına düşür. Bundan əlavə, qasırğa Cənubi Karolina və Virciniyaya da zərər vurub. Daha əvvəl qasırğa zamanı 41 nəfərin öldüyü bildirilirdi. "Florens" qasırğası Atlantik okeanının ABŞ sahillərinə bir neçə gün əvvəl çatıb və dərhal zəifləməyə başlayıb. Hazırda onun statusu fırtına dərəcəsinədək düşüb. Təbii hadisə ölkəyə həmçinin külli miqdarda maddi zərər vurub.