Gecə klubunda atışma: yaralılar var

İstanbulda gecə klubunda atışma baş verib. Avtosfer.az-ın Trend-ə istinadən məlumatına görə, gecə yerli vaxtla 03:30 radələrində müştərilərdən biri ilə klubun mühafizəçiləri arasında mübahisə baş verib. Klubdan ayrılan müştəri yarım saat sonra bir neçə nəfərlə geri qayıdıb. Silahlı şəxslərin klubu atəşə tutması nəticəsində 5 nəfər yaralanıb. Yaralılar xəstəxanaya yerləşdirilib. Faktla bağlı cinayət işi açılıb. Hadisəni törədənlər axtarılır.