Gəncənin icra başçısına silahlı hücum - Həlak olan var + YENİLƏNİR

Gəncənin icra başçısı Elmar Vəliyevin güllələnməsi xəbəri təsdiqlənib.

Avtosfer.Az xəbər verir ki, Daxili İşlər Nazirliyi faktı APA-ya təsdiqləyib. Məlumata görə, icra başçısına hüquq-mühafizə orqanları tərəfindən axtarışda olan şəxs hücum edib.

***

Gəncənin icra başçısı Elmar Vəliyevə Yunus adlı şəxsin atəş açdığı məlum olub.

Avtosfer.az xəbər verir ki, əldə olunan məlumata görə, həmin şəxs artıq həbs edilib.

İcra başçısının yerləşdirildiyi Gəncə Mərkəzi Klinik Xəstəxanasından E. Vəliyevin vəziyyəti ilə bağlı açıqlama verməkdən imtina ediblər.

***

Gəncənin icra başçısı Elmar Vəliyev hücuma məruz qalıb.

Avtosfer.Az xəbər verir ki, Oxu.Az-ın əldə etdiyi məlumata görə, E. Vəliyev Gəncədə univermağın qarşısında silahlı hücuma məruz qalıb.

Hadisə nəticəsində Elmar Vəliyevin mühafizəçisi həlak olub.

Yaralı icra başçısı Gəncə Mərkəzi Klinik Xəstəxanasına yerləşdirilib.

Hadisənin təfərrüatları dəqiqləşdirilir.