“General Motors” 18 min nəfəri işdən çıxarır

ABŞ-ın avtomobil nəhəngi “General Motors” istehsal xərclərini azaltmaq üçün Şimali Amerika ölkələrindəki 18 min işçisini təzminatla işdən azad etməyə hazırlaşır. Avtosfer.az “qafqazinfo”ya istinadən xəbər verir ki, GM-nin açıqlamasında şirkətin ABŞ, Kanada və Meksikada satış, marketinq və idarəetmə bölmələrində çalışan 18 min işçiyə kompensasiya qarşılığında işdən azad olunma müqavilələri təklif etdiyi bildirilib. Təklif 12 il və ondan daha çox müddətdə vəzifədə olanlara edilib.  GM kompensasiya ilə bağlı detalları açıqlamayıb.  Qeyd edək ki, GM-nin ABŞ, Kanada və Meksikada 50 min işçisi var.