Göygöldə baş verən qətlin təfərrüatı məlum olub

Göygöl rayonunda qadının əri tərəfindən qətlə yetirilməsinin təfərrüatı məlum olub. "Report"un Qərb bürosunun məlumatına görə, hadisə rayonun "Hacıməlik" dəirəsi adlanan ərazidə baş verib.

Belə ki, 1967-ci il təvəllüdlü Firudin Ələsgərov həyat yoldaşı, 1973-cü il təvəllüdlü Laləzar Abdullayeva ilə birlikdə evdən çıxıb. Onlar Şəmkir rayonuna işləməyə gedən zaman yolda aralarında mübahisə yaranıb. Qadın hər gün Şəmkirdə təsərrüfatda fəhlə işləməkdən yorulduğundan şikayətçi olub. Banka olan borca görə, ər və arvad Şəmkirə hər gün işləməyə gedirlərmiş. İlkin ehtimalara görə, bu gün də onlar Şəmkirə getmək üçün yola çıxıblar bu zaman qadın daha işə getmək istəmədiyini bildirib. Bu zaman əri ilə aralarında mübahisə yaranıb. F.Əsgərov arvadına çoxlu saydı bıçaq zərbələri vuraraq onu öldürüb. Daha sonra hadisə yerindən qaçıb. Məlumatlara görə, onun Murovdağ qəsəbəsində gizləndiyi məlum olub.

Qeyd edək ki, ailənin 3 övladı var.

Fakla bağlı Göygöl rayon Prokurorluğunda araşdırmalara başlanılıb.