Gürcüstan kişilərin ölüm səbəbinə görə dünyada 8-ci yerə qalxıb

Gürcüstan kişilərin qeyri-infeksion xəstəliklərdən ölüm faktına görə dünyada ilk onluğa düşüb. Avtosfer.az Azərtac-a istinadən xəbər verir ki, “The Lancet” jurnalının məlumatına görə, Gürcüstanda qeyri-infeksion xəstəliklərdən ölən kişilər əsasən 30-70 yaş arasındadır. Ölkə bu göstərici ilə dünyada 8-ci yerdədir. Birinci 3 yeri Monqolustan, Fici və Qazaxıstan tutur. Jurnalın məlumatına görə, alimlər 180 ölkədə xərçəng, şəkərli diabet, ürək-damar və nəfəs yollarının iltihabından ölüm hallarının artım dinamikasını öyrəniblər. Bu ölkələrdə həmin xəstəliklərdən ölən kişilər əhalinin 34,9 faizini, qadınlar isə 15,9 faizini təşkil edib.