Haiti sahillərində növbəti zəlzələ baş verib

Haiti sahillərində 5,3 maqnituda gücündə zəlzələ baş verib. Avtosfer.az "Report"a  istinadən xəbər verir ki, bu barədə Avropa – Aralıq dənizi Seysmoloji Mərkəzi (EMSC) məlumat yayıb. Bildirilir ki, yeraltı təkanların episentri Haitidən 87 km aralıda yerləşib. Oktyabrın 7-nə keçən gecə ölkə sahillərində 5,9 maqnituda gücündə zəlzələ olub. Yeraltı təkanlar nəticəsində 14 nəfər həyatını itirib, onlarla insan xəsarət alaraq xəstəxanalar yerləşdirilib.