Həkim xəstəni ölümcül hala saldı - Video

Özünü həkim kimi təqdim edən pakistanlı Cəfər adlı şəxs, bir neçə nəfəri aldadıb. Avtosfer.az xəbər verir ki, o, xəstənin yaxınlarına xəstəni sağaldacağına söz verib və pul alaraq aradan çıxıb. Üstəlik həmin şəxsin verdiyi dərmanlar da xəstələrin halını daha da pisləşdirib və onları ölümcül hala salıb.

Həyat yoldaşı onkoloji xəstə olan şəxs həkim fırıldağının qurbanı olub. Özünü həkim kimi təqdim edən pakistanlı Cəfər adlı bir nəfər paytaxt sakini Yunus İmranovu aldadaraq ondan 9 min manat nağd pul alıb və aradan çıxıb.

Yunus İmranovun sözlərinə görə, Pakistanlı Cəfəri ona təxminən 20 gün əvvəl bir tanışı məsləhət görüb.

Təxminən 3 gün keçdikdən sonra pakistanlı şəxs Yunusa İmranova zəng vuraraq dərmanların hazır olduğunu deyib və görüşərək pulları alıb.

Ancaq qadına vurulan dərmanlar gözlənilən effekti verməyib. Əksinə onkoloji xəstə olan Elmira İmranovanın halını qarışdırıb və onu ölümcül hala salıb.

Bundan sonra, Yunus İmranov dəfələrlə həmin şəxslə əlaqə saxlamağa çalışıb. Amma həmin şəxs onun nömrəsini qara siyahıya atıb.

İddialara görə, bu dirnaqarası həkim bir nəfərdən də 3500 ABŞ dolları alıb. Ancaq çox keçməyib ki, həmin şəxs dünyasını dəyişib.

İddialar əsasınada biz də sözügedən şəxslə əlaqə saxlamağa çalışdıq. Onun nömrəsinə zəng çatsa da, cavab verən olmadı.

Hüquşunas Xəyal Bəşirovun sözlərinə görə, iddalar doğrudursa, Pakistanlı şəxsin etdiyi hərəkət birbaşa dələduzluq hesab edilir. Zərərçəkmiş şəxs bununla bağlı polisə müraciət etməlidir. Əgər həmin şəxsin əməli sübuta yetirilərsə, pakistanlı cəfəri 4 mindən 7 min manata qədər cərimə və ya 1 ildən 3 ilədək azadlığın məhdudlaşdırılması cəzası gözləyir. Xəyal Bəşirov onu da bildirdi ki, zərərçəkmiş Yunus İmranov ona dəyən maddi və mənəvi ziyanın ödənilməsi üçün məhkəməyə də müraciət edə bilər.

Avtosfer.az