Helikopter ekipajları yarışacaqlar

İyulun 23-29-da Belarusun paytaxtı Minsk şəhərində helikopter idmanı üzrə dünya çempionatı keçiriləcək. Avtosfer.az Azərtac-a istinadən xəbər verir ki, bu barədə Belarusun Aviasiya İdmanı Federasiyasından məlumat verilib. Dünya çempionatı Borovaya aedromunda keçiriləcək. Yarışda 15 ölkədən 40-dan çox ekipaj iştirak edəcək. Çempionatın ən maraqlı hissəsi helikopterlərin yarışması olacaq. İdman tədbiri çərçivəsində tamaşaçılar, həmçinin aviasiya festivalını da izləyə biləcəklər.