Hərbi aviasiya vasitələri Bakı buxtası üzərində hazırlıq uçuşları keçirib

Azərbaycan Silahlı Qüvvələrinin 100 illik yubileyi ilə əlaqədar bayram tədbirlərinə hazırlıq məqsədilə Hərbi Hava Qüvvələrinin aviasiya vasitələri Bakı buxtası üzərində uçuşlar keçirib. “Report”un məlumatına görə, iyunun 24-də hərbi təyyarə və helikopterlərin Bakı buxtası üzərində növbəti uçuşları keçirilib. Hərbi helikopterlər Azərbaycan bayrağı və üzərində ümummilli lider Heydər Əliyevin portretini daşıyıblar. Uçuşlar əsasən paradın keçiriləcəyi "Azadlıq" meydanının üzərindən olub. Hərbi təyyarələr paradda nümayiş etdiriləcək mürəkkəb aviaşouları yerinə yetiriblər. İyunun 26-da Azərbaycan Silahlı Qüvvələrinin yaradılmasının 100 illiyi münasibətilə Bakıda parad keçiriləcək.