Heydər Əliyev prospekti bu gecədən tam açılır - VİDEO

Heydər Əliyev prospektinin "Sabunçu" və "Böyük şor" yol qovşağı arasında yerləşən hissəsində aparılan təmir işləri artıq tam yekunlaşıb. Həmin hissədə həm şəhər istiqamətində, həm də hava limanı istiqamətində 2 km-dən artıq yol əsaslı şəkildə təmir edilib. 2 qat olmaqla yeni asfalt-beton örtüyü döşənib. Həmçinin yol ayrıcının da yenidən qurulması istiqamətində addımlar atılıb, ora yeni səki daşları düzülüb və tamet daşları döşənib. Yolda üfüqi nişanlanma xətlərinin rənglənməsi işləri aparılır. Bu gecədən etibarən Heydər Əliyev prospektinin hər iki hissəsi tam olaraq sürücülərin istifadəsinə veriləcək.

Qeyd edək ki, həmin ərazidə inşa edilən tunelin tikinti işləri də artıq yekunlaşmaz üzrədir. İşlər may ayında yekunlaşacaq. Həmin tunel vasitəsi ilə Ziya Bünyadov və Heydər Əliyev prospektləri birləşəcək.