Heydər Əliyev prospekti ilə kəsişən yollarda hərəkət məhdudlaşdırılır - XƏRİTƏ

Azərbaycan Avtomobil Yolları Dövlət Agentliyi və Bakı Nəqliyyat Agentliyi yollarən bağlanması barədə birgə məlumat yayıb. Avtosfer.az-a daxil olan məlumatda bildirilir ki, Bakı şəhərində avtonəqliyyat vasitələrinin təhlükəsiz hərəkətinin tənzimlənməsi məqsədi ilə, Heydər Əliyev prospektinin “Sabunçu” və “Böyük Şor” yol qovşağı arasında yerləşən hissəsində Olimpiya stadionu, Olimpiya şəhərciyi, Ziya Bünyadov və Qara Qarayev prospektinə doğru gedən yolların giriş hissələrində üfüqi nişanlanma xətlərinin rənglənməsi ilə əlaqədar olaraq aprelin 28-də səhər saat 11:00-dan 16:00-dək hərəkət məhdudlaşdırılacaq. “Yarana biləcək müvəqqəti narahatlığa görə vətəndaşlardan üzr istəyirik. Öncədən təşəkkürümüzü bildiririk!” – deyə, məlumatda bildirilir.

Emin