Hindistanda güclü külək və yağışlar – 40 ölü, 28 yaralı

Hindistanın bir neçə ştatında güclü küləklə müşayiət olunan leysan yağışları çoxsaylı insan tələfatı və dağıntılara yol açıb. Trend-in məlumatına görə, qasırğa ən çox ölkənin şərqindəki Carkxand ştatını cənginə alıb. Təkcə 12 nəfər bu ştatda qasırğanın qurbanı olub. Ümumilikdə isə hazırda ölənlərin sayının 40-a çatdığı bildirilir, daha 28 nəfər isə yaralanıb. Uttar-Pradeş, Bixar və ətraf ştatlarda güclü külək ağacları və işıq dirəklərini aşırıb. Hazırda hadisə yerində xilasedicilər işləyir.

Sinoptiklər yaxın günlər ərzində havanın hələ də qeyri-əlverişli olcağını proqnozlaşdırıblar. Bu səbəbdən sakinlərə lazım olmadığı halda evlərini tərk etməmələri tövsiyə olunub.