Husilərin dronu vuruldu

Husilərə məxsus pilotsuz uçuş aparatı vurulub.

Avtosfer.Az bildirir ki, ordunun "26sepnews" saytında əks edən məlumata görə, ordu qüvvələrinin, Beyda vilayətinin Numan rayonunda vurduqları pilotsuz uçuş aparatı İran tərəfindən buraxılıb. Aparatın necə vurulduğuna dair məlumat verilməyib.

Qeyd edək ki, Yəmən ordusu 24 dekabrda Numan rayonu mərkəzində yerləşən Saha bölgəsi ilə Nati bölgəsindəki əraziləri Husilərdən geri aldığını bildirmişdi. Yəmən hökuməti və Səudiyyə Ərəbistanının başçılığındakı koalisiya qüvvələri, İranı legitim hökumətə qarşı çevriliş edən Husilərə dəstək verməkdə ittiham edir.