İki bacını maşınla vuran sürücüyə cəza verildi

Ölümlə nəticələnən qəza törədən şəxsə hökm oxunub. Avtosfer.az musavat.com-a istinadən xəbər verir ki, Bakı Ağır Cinayətlər Məhkəməsində qəza törədəb Yaqub Balaqardaşov hakim qarşısına çıxarılıb. Hakim Mayıl Bayramovun sədrliyi ilə keçirilən məhkəmə iclasında hökm oxunub. Hökmə əsasən Y.Balaqardaşov 7 il müddətinə azadlıqdan məhrum edilib. Hadisə Xəzər rayonunda baş verib. Yaqub Balaqardaşovun idarə etdiyi çirkab-maye daşıyan maşın yolu keçmək istəyən 2 bacı-1970-ci il təvəllüdlü Gülnarə Əlipənahova və 1958-ci il təvəllüdlü Nənəgül Babayevanı vurub. Hadisə nəticəsində xəsarət alan hər iki qadın xəstəxanaya yerləşdirilsələr də, 48 yaşlı G.Əlipənahova dünyasını dəyişib.