İlham Əliyevin qələbəsi münasibətilə Bakıda avtomobil yürüşü təşkil edilib

Yeni Azərbaycan Partiyası (YAP) və Azərbaycan Avtomobil Federasiyası aprelin 11-də keçirilən prezident seçkilərində layiqli namizədin qələbəsini qeyd etmək məqsədilə avtomobil yürüşü təşkil edib. Avtosfer.az xəbər verir ki, 100-ə yaxın “offroad” avtomobilinin qatıldığı yürüş Heydər Əliyev Mərkəzinin qarşısından start götürüb. Avtomobillər Heydər Əliyev Mərkəzi - Heydər Əliyev prospekti - Yusif Səfərov küçəsi - 28 May küçəsi - Bülbül prospekti - Xaqani küçəsi - Azadlıq prospekti - Zərifə Əliyeva küçəsi - Neftçilər prospekti - Dövlət Bayrağı Meydanı - Neftçilər prospekti - Yusif Səfərov küçəsi - Heydər Əliyev prospekti - “Koroğlu” metrostansiyası - Heydər Əliyev prospekti - Gülarə Qədirbəyova küçəsi - Heydər Əliyev Mərkəzi marşrutu üzrə hərəkət ediblər.

“Report”un məlumatına görə, yürüşdə Yeni Azərbaycan Partiyasının və Azərbaycan Avtomobil Federasiyasının üzvləri iştirak ediblər.

İştirakçılar aprelin 11-də keçirilən prezident seçkilərinin uğurla başa çatması və Yeni Azərbaycan Partiyasının seçkilərdəki namizədi İlham Əliyevə dəstək ifadə edən şüar və plakatlarla Bakının mərkəzi küçələri ilə yürüş ediblər.

Yürüş Heydər Əliyev Mərkəzinin qarşısında başa çatıb.

Avtosfer.az