İnsanları görünməz parazitlər dişləyir - "Nano-gənə" təhlükəsi - ŞOK FOTOLAR

Rusiyada bu yay gənələrin fəaliyyəti ilə bağlı vəziyyət daha da gərginləşib və insanlar ölçüsü cəmi 1-2 millimetr olan, demək olar ki, görünməz "nano-gənələrin" hücumlarına məruz qalırlar.

Avtosfer.az “Nocomment.az”a istinadən xəbər verir ki, mütəxəssislərin bildirdiyinə görə, bu parazitlər əslində yetkin gənə ilə sürfə mərhələsi arasında olan "nimfa"lardır və bioloq İlya Qomıranov vurğulayır ki, bu mikroskopik canlılar ölçülərinin kiçik olmasına baxmayaraq, böyük gənələrdən daha təhlükəli ola bilərlər.

Bu "nano-gənələrin" əsas təhlükəsi onların bədən üzərində aşkar edilməsinin son dərəcə çətin olmasıdır. İnsanlar bu parazitləri vaxtında görə bilmədikləri üçün onlar dəri üzərində daha uzun müddət qalır və infeksiyanın keçmə riski ciddi şəkildə artır. Bu parazitlər yetkin gənələrin daşıdığı bütün xəstəlikləri, o cümlədən gənə ensefaliti, Laym xəstəliyi və anaplazmozu insana asanlıqla ötürə bilirlər. Son statistikalar isə göstərir ki, Rusiyanın bir çox regionlarında Laym xəstəliyi daşıyan gənələrin sayı ötən illə müqayisədə xeyli artıb.

Mütəxəssislər meşəlik və park zonalarında gəzintidən sonra bədənin və geyimlərin çox diqqətlə yoxlanılmasını tövsiyə edirlər. Qorunmaq üçün gəzintilərdə açıq rəngli geyimlərə üstünlük vermək, xüsusi repelentlərdən istifadə etmək və hər gəzintidən sonra özünüzü və yaxınlarınızı "nano-gənələrə" qarşı diqqətlə nəzərdən keçirmək olduqca vacibdir.