İran ABŞ-yə Hörmüz boğazı ilə bağlı ŞƏRT QOYDU

İran ABŞ-yə Hörmüz boğazının açılması müqabilində kompensasiya ödənilməsini təklif edib. Avtosfer.az Oxu.az-a istinadən xəbər verir ki, bu barədə "Al Arabiya" diplomatik mənbələrə istinadən məlumat yayıb. Məlumata görə, İran ABŞ ilə dolayı danışıqlarda vasitəçi rolunu oynayan Pakistana iki təklif təqdim edib. Təkliflərdən biri Hörmüz boğazının açılması, digəri isə sanksiyalar və dondurulmuş aktivlərin gələcək sazişdən əvvəl müzakirə olunması ilə bağlıdır. Bundan əvvəl İran Xarici İşlər Nazirliyinin nümayəndəsi İsmayıl Bəqayi bildirmişdi ki, hazırkı mərhələdə ABŞ ilə danışıqlarda nüvə proqramı və sanksiyaların ləğvi məsələləri müzakirə olunmayacaq.