İran bazara yeni neft markası çıxarır

OPEK-də çüncü ən böyük neft istehsalçısı olan İran, sanksiyaların daha da sərtləşməsi ehtimalına baxmayaraq, yaxın zamanda “West Karoun” markalı neftini dünya bazarlarına çıxarmağı planlaşdırır. Avtosfer.az xəbər verir ki, bu haqda “Reuters”-ə məlumatlı mənbələrdən bildirilib.

“Qara qızılın” Qərb ölkələrinə nəqlinə may-iyun aylarından etibarən başlanacaq.

İran son bir ildə neft hasilatı təxminən iki dəfə artaraq sutkada 300 min barelə çatan West Karoun  yataqları blokundan sınaq partiyasını müştərilərə artıq satıb.

Məlumatına görə, İranın yeni ixrac terminalı bu sort nefti digər markalarla qarışdırmadan ixrac etməyə imkan verir.

İlk partiyaların “spot” bazarlarına çıxarılacağı bildirilir, çünki alıcılar və ekspertlər hələ bu neft çeşidinin keyfiyyəti ilə yaxşı tanış deyil.

Avtosfer.az